Einsamflygar

Halldis Moren Vesaas

Barn, ikkje le av den fuglen
som flaksar så hjelpelaust av stad.
Vinden har skilt han frå dei andre
som flyg over havet i ei jamn, tett rad.

Vinden valde ut denne eine
og kasta han ut av den usynlege lei
som fuglar av hans slag plar følgje.
Han er ikkje lenger ein av dei.

Sin eigen veg må han finne,
eller - om han trøytnar om litt -
gi tapt, la seg falle, gå under,
slik går det desse einsame titt.

Det mørknar vidt over havet.
Ei frostnatt kvesser sine jarn.
Ein fugl flyg einsam under stjerner.
Ikkje gråt for den fuglen, barn.

(fra Ord over grind 1965)

Conchita med sjømann på Café place de'italie. Paris 1933.
Fotograf: Brassaï

Dr. Lu Strauss - Ernst med sin sønn. Frankrike 1928.
Fotograf: Sander

Nazare. Portugal 1956. Fotograf: Boubat